Kurt Darren het sy eerste CD For Your Precious Love in 1995 opgeneem, maar dit was nie tot 1999, toe hy sy eie liedjies begin skryf het nie, dat hy begin het om groot opslae in die Suid Afrikaanse musiek wêreld te maak.

Met liedjies soos Kaptein, Loslappie, Meisie Meisie, Hemel op Tafelberg, Dans op die tafels en nog vele ander, het hy sinoniem geraak met party, dans en saamsing musiek in SA, maak nie saak watse taal jy praat nie.

Kurt het in sy loopban van 30 albums tot dusvêr al 9 SAMA toekennings, 12 dubbel-platinum en 21 goue verkope toekennings ontvang, sowel as talle ander soos Tempo, Ghoema, Vonk, Geraas ensv. Hy was al n aanbieder op Kyknet en Jacarand met Jukebox, en het al in 5 flieks verskyn, sy nuutste skiet hy op n cruise in Januarie saam met van die land se top akteurs.

Hy is deesdae net so besig soos altyd, elke 3 maande stel hy n nuwe enkelsnit vry, en het geen planne om die pas stadiger te vat vorentoe nie, daar is nog baie musiek vasgevang in sy kop!

Hy skryf meeste, 95%, van sy eie liedjies, en liedjies soos Kaptein, Hemel Op Tafelberg, Meisie Meisie en vele ander is al 35 keer deur kunstenaars in Nederland, Duitsland en België opgeneem.
Kurt toer wêreldwyd, en het al in 15 verskillende lande opgetree.

Hy besit Super Events, wat hy saam met sy vrou, Dunay, behartig, waar hulle, onder andere, 7 luukse bootvarte en groot feeste by Sun International aanbied.